कृषिमा व्यवहारिक तालिम दिन सुरू ।।

धुन्चे, रसुवा
जिल्ला कृषि कार्यलय रसुवाले परम्परगत तालिमले कृषि क्षेत्रमा गरेको लगानी वालुवामा पानी हालेको जस्तो भएको भन्दै आधुनिक प्रविधियुक्त तालिम दिन थालेको छ ।

अव तालिम लिन आउने किसानहरूले
कृषि औजार कुटो, कोदालो, हसिया लगायतको सामाग्री समेत बोकेर आउनुपर्ने भएको छ । सधै किसानहरू एउटा वन्द कोठा भित्र सैदान्तिक ज्ञान सिक्ने गर्थे, अहिले भने तालिमको स्वरूप फेरर व्यवहारीक तालिम प्रदान गर्न थालिएको छ । वैदेशिक रोजगारमा जाने युवाहरूलाई कृषि क्षेत्रमा लाग्न अभिप्रेरित गरि स्वदेशमै रोजगारको सृजना गर्न नेपाल सरकारले ल्याएको युवा लक्षित कार्यक्रमका लागि ४० जना कृषकलाई व्यवहारीक तालिम दिइएको हो । आवेदन दिई छनोटमा परेका प्रत्येक कृषकले ४०÷४० हजारसम्मको अनुदान पाउने कृषि विकास अधिकृत रमेश हुमागाईले जानकारी दिनुभयो । युवा लक्षित कार्यक्रमका लागि १६ लाख अनुदानमध्य ८ लाख च्याउ खेती र ८ लाख तरकारी खेतीका लागि छुट्इएको छ ।